Збійникы і маґiя

Руснацкый край – край высокых гiр а европскых торговых путiв был сторичами звязаный и з чиннистьов збiйникив. Єдны збоювали бо их ґу тому гнала бида и голод, другы збоювали як протест проти панчизми а дакотры лем так, бо ся родили у родинi збийника а иншого жывота не знали.
Збiйникы – тема тяжка, загадочна, велё раз импретувана лем з єдного погляду. Но i збiйникы были лем обычайны смертельны люде, котры не знали келё днiв жывота их чекат або ци ся дожыют заране. И они потрибували мати у жывотi урчиту психичну пiдпору, бы ся цитили быти силными нелем на тiли але i на души. Накелё збiйникы робили тото, што ся причило церкiвным наказанём, обертали ся на маґiцкы уконы, якым вирили, же им принесут серенчу у жывотi, долгый вик, несмертелнисть.
Подля захованых леґендох и приповидок, збiйникы вирили, же як зробят даякый тяжкый «дияволскый» грiх, набудут дияволскы власности, не буде их можливе поïмати, поранити, забити и т.п.. Перегрiшкы бы ся дали роздiлити миджи такы три групы.
Миджи слабшыми маґицкыми перегрiшками были наприклад пидпалиня церкви, каплици або креста на розпутю. Збiйникы суй так доказували, же суть силнiшы як сам Господь Бог, котрый дозволил им пiдпальку зреализувати. Вирили, же такым способом набудут силу, одвагу, решпект.
Векшым перегрiшком было кiдь збiйник приял у цекрви а пiд языком вынiс з церкви причастку, прибил єй на пняка а або єй розстрилял, або порубал, зничил настройом з котрым збоювал. Збийникы так вирили, же можут смило збоювати з тым настроём, з котрым поранили и тiло i кров самого Божого Сына - Исуса Христа.
Найгiршыма перегрiшками были тяжкы маґiцкы каличиня i забиваня, котрых подля людовых повiр и леґендох в минулости было в нашым краю дойс. Нихто ся нiґда не дизнал ани уж не дизнаст, келё молодых дiвок скiнчило в рукох збiйникiв, келё з них было знечещеных а пiдпаленых привязаных о суху сосну, келё купцiв пришло окрiм маєтку i о пальци, уха, очи...
О огавных чинох збiйникiв в руснацкым краю гварит и єдна захована леґенда зо села Грабске. Збiйникы там пропали вiз, на котрим ся везла груба молода жена. Кiдь ю збiйникы приправували на огавный чин, жена знала же уж єй нiт помочи, но попросила збiйникив, бы ï уможнили суй холем послиднiй раз зашпивати. Накелё мала силный голос, єй шпив зачули єй братя у селi, котры вєдно зо селянами ся выбрали сестру гледати. Но жаль, кiдь ю нашли, неостало им нiч инше лем ю взяти а знечещену мертволу знести до села. Збiйникы ï за жыва розрiзали брiх а з утробы выбрали плод ненародженой дiтинкы, котрi одрiзали руку, котру потiм высушыли а так набыли амулет, котрый их скупинi мал заручити урчиты надприродзены власности.
И такым огавным повiркам вiрили збiйникы, котрых ся нашы люде не даремно бояли стритнути а о котрых миджи народом колували приповидкы, котры збiйникiм придавали иши векшый решпект зо страны народу и проходячих краём купцив.

Но, нашы збійникы небыли як

Но, нашы збійникы небыли як яношикова дружіна Smile , але рядны анцікрісте Evil

Dajak mi to

Dajak mi to nepasuje

http://holosy.sk/savka

Так як єм написал, на

Так як єм написал, на збiйникiв ся велё раз смотрит лем з єдной сторинкы – героï якы богатым брали а худобным давали, котрым залежало на худобных людёх... (Яношык але и тоты нашы героï), лем чи то наïсно правда?

Кладу суй опросы и задумую ся:

Наïсно так робили? Чом потiм кiдь такы добры дiла робили ся незаховало до гнесь нич што бы гварило о их добрых дiлах? Чом ся до гнесь заховали лем тоты леґенды, котры гварят о их пидлых дiлах? Кидь так добри робили нашому народу, чом потiм им нашы прадiдове i прабабкы не дозволили ани по смерти быти похованым у селi на теметовi (но наприклад потулного жебрака поховали холем на краю теметова) але их загребували як остатних псив по лiсох, в найвекшых деброх кади люде не ходили (до гнесь ся заховали нагробны каминя наприклад у околици Крайного Чорного)? Чом в наший архитектури ся до другой войны (но и по нiй в часох бандерiвцiв) заховал элемент – двоï дверi (єдны з переду а другы зо заду з цiлём захранити суй жывит почас рабувачкы збiйникiв)?

Петро's picture

слухзй ту даколи бы ем с

слухзй ту даколи бы ем с тобов зашол на екскурию по интересныж мисцях пид Дукльов...колискай дашто таке сме планували с Пальом з Комарника...напр. тото нагробны каминя бы ня интересовало знати кде суть...

Добрi Петре, беру тя за

Добрi Петре, беру тя за слово, догоднуто Smile
Но повiм Тi, добру тему єс мi наповiл, в близкий будучности напишу 1-2 чланкы о не барз знамых а загадочных мисцёх Пiддуклянского краю.

Петро's picture

Файнота, параднота  ... рад

Файнота, параднота  Smile ... рад собі прочітам..ня напало же неплано бы было пописати і о інтересных обычайных людёх Піддукляньского краю, Пало выдал шумный чланочок о Н. Гвоздови і честным ґаздови Йурчишинови з Комарника...  знам же староста Бодружалу спомянув в релації Радіа Патріа збойника Зелизньака і росповідача Илька...я з Порубкы памятам же ми фурт як єм дашто домотав повили - такій ес як Андрий Писаньнский ..та думам же тыж то была рядна персона giggle

Андрий Писаньнский, то добрї

Андрий Писаньнский, то добрї памятам з повіданя старшых людей. Бо він ходив по селах, даколи раз до місяця быв в селї даколи і веце раз зашов. Быв Андрій Писаньскый, потім быв іщі далшы жобрак Чендеш якого звали шаленый Чендеш, теперь як зволили прокуратора Чентеша, такой сьме ся на тім засміялу бо шаленый Чендеш ся вшыткым припомянув. Но быв і третїй жобрак, што го люде памятають  теперь не годен єм собі спомянути як ся писав. Андрій мав добрый характер кус не дбав на ся но знав фіґлї, все калап на голові носив, паличку в руцї тримав, добрї выходив з попами і з обычайныма людми. Чендеш не знав фіґлї і все ся гнївав як за ним дїти бігали і ґрявчали по нім.  Потім они перестали ходити по селах бо уж їх дали комуністы до уставу. Але передтым довгы рокы ходили. Мали своїх знамых у котрых годны были переночовати шак даколи прихылити подорожного была нормалнїша річ не як теперь. Даколи попробую дашто веце о Андріёви написати.

Преснi так, такый был Аднрiй

Преснi так, такый был Аднрiй Писанскый i зо своïма нарiзаныма паличками або опаленыма огнём волосями. Потiм ши была даяка Зузка з Комарника, но то иши о ґенерацiю перед нима в мидживоєнных часох.
Того третього мено - у нас щи холил Мишко Ривнянскый, може того сте думали?

Ши ня напал Андрий з Циґлы а

Ши ня напал Андрий з Циґлы а з бышидуваня бабы ай Василь з Буґлi.

Микайко ся писав тот што єм

Микайко ся писав тот што єм мав на мыслї, то єм кус плано написав, не Чендеш не знав фіґлї але Микайко. Він кідь за ним дїтиска біжали і сміяли ся з нёго звык гварити: "З мене фіґлї не робте бо я не знам фіґлї. Андрій Писанськый знат фіґлї але я не знам". Іщі до днесь ся гварить такому што ся уразить з фіґлїв же такый єсь як Микайко.

Петро's picture

Мату, та Ти повим, же тот

Мату, та Ти повим, же тот приспевок мат еден примат - найстрасливишый приспевок на Голосох  >) ...може бы было добри придати нознамочку дакде на зачаток чланку, же дити най тото нечутают бо в ночи небудут спати Smile ...правда и тото што пише в коментари Michal T, же о Савкови але и федорови Головатым пишут як о руснакцих героях..та незнам сам з того выйти, нит барс кого ся опросити Wink

Так Петре, єден з

Так Петре, єден з найстрашнiшых, але кiдь теперь тот новодобый Halloween  та ся годит Smile А о малы дiти бы´м ся не боял, бо суй правдуповисти недумам же бы их велё было, котры бы на голосы ходили а ґу тому азбуков читали Smile
Моïм цилём при писаню того чланку не было минити гисторiю або дашто подiбне, хотiл´м лем надшмарити тему на задуманя ся над данов проблематиков и з другого погляду.
Маш правду, же гнесь ся уж на то нiт кого спросити, можу повисти же мал´м серенчу ся тоты веци подизнавати з розповиданя найстаршых жаль уж небижчикив з нашого роду – неє то нич славне, но моï предкове тыж патрили ґу єдному збiйницкому роду, но часом их потомкы зминили свiй жывит а усадили ся у селi. У нас ся тоты леґенды устнi передавали з поколиня на поколиня а вирю же и я их даколи передам далшым поколинём.

Петро's picture

правду маш... тепер ся діти

правду маш... тепер ся діти страшат уж кед збачат азбуку бо никда нич таке иши невидили Wink ...ку збійником лем тельо же думам же о новодобых збійникох ся того планого тиж вельо забуде... напр. у В. Мечяра уж наши діти будут в школи чути лем же то был основатель словенской штатности... о тим якый збійник тиж был ся уж писати барс небуде Angry

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je vіvtorok

26. marec 2019


Юліаньскый календарь:

13.мáрец 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.