Запис на старим буку

Пiддуклянскый край вдяка своïй старочнiй културнiй i социалнiй изолациï од околишнёй штатотворной териториï а наопак вдяка обходнiй дразi мiджинародного вызнаму до гнесь патрит миджи детайлнi неперескуманы мисця. Дакотры гисторицкы змiнкы о тым краю мают своє оподстатнiня и в людовых леґендох, но о дакотрых фактох ся ниґде инде не дознаваме а информацiя о них в нас выволує жажду по одкрытю незнамого.
Коляра (даде и холяра, холера) была в минулости великым страхом про Европу. Звали ю и азийсков хворотов, котру до Европы в року 1831 принесли рускы воякы – тоты воякы котры не раз переходили Дуклянскым перевалом, через Свидничину далей до Угорска. На граници были заведжены присны правила на переход. Люде, лахы, потравины и т.п., котры приходили або привозили зо северу были поважуваны за барз небезпечны. Коляра у 19 столитю змордувала i вылюднила на Свидничинi барз велё сел. Наприклад у фебруару 1845 по коляри остали на жыви лем двоє обывателе Крайной Поляны, а у Шарбовi лем єден обыватель.
Єдна барз интересна змiнка звязана з Пiддуклянскым краём и коляров ся находит в дiли автора Ернеста Томаша Теодора Криеґера, пряшивского мищана и урядника. Книжка мат назву «Das Sárosser Komität in Ober-Ungarn», котра была выдрукувана у Виднi в 1841 роци. В книжци є и змiнка о тiм, што село Нижнiй Комарник было в тым чаши знаме выробов поташы у паленчарнi. Кидь там у 1831 роци выпукла коляра, миджи Комарником и Барвинком зостало 23 оравскых купцив зо шофраном, котры немогли перейти через приснi стражену границю. Купци ся так стали як бы заятцями а не могли ся рушыти ани до Польска ани до Угорска. Подля зазнаму им помиг тогдашнiй угорскый дворный канцеляр Антон вон Маилатг, котрый им правдiподiбнi выбавил ликарьску переглядку або дезiнфекцiю. Як подяку за то, оравскы купци подля Криеґера зохабили зазнам на єдным старым буку: «C. A. Mailáth, Comm. R. hic XXIII Contribuen: ex Arva fami erripuit. 1831».  Жаль, но автор не приводит якым способом купци зохабили зазнам. Може то была даяка деревяна табличка, а може надпис вырыли до скоры бука, то уж ся якбач нiґда не дизнаме.
И такы интересны запискы нам и в сучасности одкрывают тайну жывота нашых предкiв, их радости и старости, спосiб их жывота и тогдашнёго змышляня. Кибы знали стары стромы нам розповiсти, што ся пид нима через сторича дiло, наïсно бы то было интереснiше як даякы америцкы трилеры, гороры, теленовелы...

tyz jem toto citav, ale h

Smile tyz jem toto citav, ale h inaksi knizki Das aba-ujvárer Komitat im Konigreiche Ungarn, Kreis diess''seits der Theiss

Zdieľať na Facebooku

Dneska je vіvtorok

21. maj 2019


Юліаньскый календарь:

8.май 2019

Mapa registrovaných používateľov Holosy.sk

Písanie dokumentov po rusínsky pomocou OpenOffice

Písanie rusínskou cyrilikou v systéme Windows 7

Ako modifikovať Firefox, aby kontroloval rusínsky pravopis

Posl´idn´i komentar´i

Banner pre vaše stránky

Budeme radi ak Holosy spropagujete aj na vašich stránkach pomocou reklamého bannera.

Komunitný portál karpatských Rusínov

V prípade záujmu o výmenu bannerov, nás kontaktujte.