Ты, ты – што тя синiй вiтор обдул...

У нас дома ся се бисидувало о жебракох, накелё мий прадiдо по бабинi странi были миджи войнами 14 рокiв рыхтарём а в минулости шыткы жебракы ходили до рыхтаря по листок на переночуваня (рыхтарь выписувал жебракови листок до котрой хыжы мат ити ночувати а котра хыжа повинна го прияти. Кидь пришол жебрак до рыхтаря пизно вечур як уж сельчане спали, тодыль ночувал у рыхтаря).
О Анрдiёви Писанскым (власным меном Андрiй Брезнощак) знам три пригоды:


Як ся Андрiй кобасы наïл

Андрiй ся брез лiто блукал по селох а на зиму ся сперал у далекой родины в єдным приграничным селi.
Раз кидь переходил брез тото село го його тета закликала на пару днiв во них шкипати дрыва. Но Андрiй як справный фиглярь суй и з тым порадил. Дрыва пошкипал раз-два, самы домашнi ся чудували, де ся в нiм бере тота сила. Зять ся зберал до роботы тай попросил свою свекру – ґаздыню, бы му гварила два фалаткы кобасы, бы суй мал што взяти до роботы. Но Андрiй зачул пах кобасы, закрал ся до кухнi, кобасу хкрал а зïл на загородi. Як зятьови требало идти до роботы, ґаздыня збачила, же кобаса хыбит а дакуй им дишло до ума, де кобаса скинчила. Но Андрiй лем додал: Та вiн буде кобасу ïл а я буду дрыва шкипал?
Кидь Андрiй одышол, ґаздыня ся выбрала складати дрыва а дакуй пришла на то, як ся Андрiёви подарило дрыва так скоро пошкипати. Андрiй пошкипал лем кус дрыв а тыма пошкипаныма дрывами приметал непошкипаны клёцкы.

Андрiй – пидпаляч

Андрiй Писанскый был великый фиглярь, но и вин мал своï слабы хвилькы а кидь му дахто заграл на його болячу струну, было плано – недобрi.
Раз ся стало, же у єдным селi умер молодый паробок. Так як там было звыком, приходили и молоды и стары на швидчиня. Пришол и Андрiй Писанскый котрый ся дакуй запоïл миджи хлопив. Як было в тым чаши звыком, дашто ся попило, покурило, фиґлювало, єден з хлопив зачал фиглювати на адресу Андрiя Писанского. Зачал ся высмивати з ёго прутикив, котры се носил зо собов, з ёго фиглив, но найвецей ся го доткло, як ся зачал высмивати з ёго волося, же як є шумнi остриженый, же и вин бы ся так хотiл дати остригати, но не знат як на то. Андрiя ся то барз доткло, бо Андрiй ся николи не стригал, лем наклал огня а як уж огень догорял а угля попелило, тодыль ся нагнул над огниско а пару навченыма махнутями головы суй волося опалил. Андрiй ся барз розсердил а ся выгражал, же му пидпалит хыжу, кидь ся так хоче остречи. Дало велё роботы хлопим, бы го уклюднили и не поволили му идти пидпалити хыжу. Цилу нiч го непустили з оч а по погроби ся Андрiй выбрал на сусидне село.

Синiй вiтор

Андрiй раз вошол до єдной хыжы, поздравкал ся по християнскы, прикляк на колiна i обернул ся на икону и зачал ся молити. У хыжи была ґаздыня и єй 9 рiчна дiтина, котра сидiла на пецу. Андрiй ся молил барз на голос чого ся мале дiвчатко барз бояло а од страху звискло. У переднiй хыжи спал пяный ґазда, котрый ся пробудил на виск дiтины и якысь му напало на ум, што може дахто бє ёго 19 рiчного сына, котрый ся вернул на отпущак од войска а в тым чаши был на селi. Ґазда скочил з постелi, силно розпер двери, за котрыма был на приклячи Андрiй, котрый ся розвернул серед кухнi i высыпал цилу цанiстру зо сыром и черешнями. Ґазда ся барз розосмiял, но Андрiёви было жаль черешен и сыра а ґазду почастувал и про нёго знамов ветов: «Ты, ты – што тя синiй вiтор обдул...». Газдыня Андрiёви помогла позберати шыткы окршыны сыра и шыткы черешнi, накелё знала, же Андрiй суй то барз цинил, кидь му дахто дашто дал а не дозволил жебы ниякым способом ïдло пропало на змар. До цанистры му як просьбу о перебачиня набалила солонины, пив хлiба i дала ся му наïсти мачанкы.

Тоты пригоды ся одограли на зачатку 1970-тых рокiв. Накелё до гнесь жыє векшына их актерiв, замернi єм не споминал их мена ани назвы сел.

Obrázok používateľa Петро

Інтересне чітаня, котре мат 

Інтересне чітаня, котре мат  свою історічну і етноґрафічну годноту...думам, же книжка Carpathia котру ту дал до сутяжи М. Крайняк уж помаленькы але істо мат свого адресата Smile

Obrázok používateľa Петро

pro tych kotry neznajut

pro tych kotry neznajut azbuku jem zrobil neautorizovanu transliteraciu...

 

Ty, ty – što ťa sinij vitor obdul...

U nas doma sja se bisiduvalo o žebrakoch, nakeľo mij pradido po babini strani byli midži vojnami 14 rokiv rychtarjom a v minulosti šytky žebraky chodili do rychtarja po listok na perenočuvaňa (rychtar vypisuval žebrakovi listok do kotroj chyžy mat iti nočuvati a kotra chyža povinna ho prijati. Kiď prišol žebrak do rychtarja pizno večur jak už seľčane spali, todyľ nočuval u rychtarja). O Anrdijovi Pisanskym (vlasnym menom Andrij Breznoščak) znam tri prihody:

Jak sja Andrij kobasy naïl

Andrij sja brez lito blukal po seloch a na zimu sja speral u dalekoj rodiny v jednym prihraničnym seli. Raz kiď perechodil brez toto selo ho joho teta zaklikala na paru dniv vo nich škipati dryva. No Andrij jak spravnyj fihľar suj i z tym poradil. Dryva poškipal raz-dva, samy domašni sja čuduvali, de sja v nim bere tota sila. Zjať sja zberal do roboty taj poprosil svoju svekru – gazdyňu, by mu hvarila dva falatky kobasy, by suj mal što vzjati do roboty. No Andrij začul pach kobasy, zakral sja do kuchni, kobasu chkral a zïl na zahorodi. Jak zjaťovi trebalo idti do roboty, gazdyňa zbačila, že kobasa chybit a dakuj im dišlo do uma, de kobasa skinčila. No Andrij lem dodal: Ta vin bude kobasu ïl a ja budu dryva škipal? Kiď Andrij odyšol, gazdyňa sja vybrala skladati dryva a dakuj prišla na to, jak sja Andrijovi podarilo dryva tak skoro poškipati. Andrij poškipal lem kus dryv a tyma poškipanyma dryvami primetal nepoškipany kľocky.


Andrij – pidpaľač

Andrij Pisanskyj byl velikyj fihľar, no i vin mal svoï slaby chviľky a kiď mu dachto zahral na joho boľaču strunu, bylo plano – nedobri. Raz sja stalo, že u jednym seli umer molodyj parobok. Tak jak tam bylo zvykom, prichodili i molody i stary na švidčiňa. Prišol i Andrij Pisanskyj kotryj sja dakuj zapoïl midži chlopiv. Jak bylo v tym čaši zvykom, dašto sja popilo, pokurilo, figľuvalo, jeden z chlopiv začal fihľuvati na adresu Andrija Pisanskoho. Začal sja vysmivati z joho prutikiv, kotry se nosil zo sobov, z joho fihliv, no najvecej sja ho dotklo, jak sja začal vysmivati z joho volosja, že jak je šumni ostriženyj, že i vin by sja tak chotil dati ostrihati, no ne znat jak na to. Andrija sja to barz dotklo, bo Andrij sja nikoli ne strihal, lem naklal ohňa a jak už oheň dohorjal a uhľa popelilo, todyľ sja nahnul nad ohnisko a paru navčenyma machnuťami holovy suj volosja opalil. Andrij sja barz rozserdil a sja vyhražal, že mu pidpalit chyžu, kiď sja tak choče ostreči. Dalo veľo roboty chlopim, by ho ukľudnili i ne povolili mu idti pidpaliti chyžu. Cilu nič ho nepustili z oč a po pohrobi sja Andrij vybral na susidne selo.


Sinij vitor

Andrij raz vošol do jednoj chyžy, pozdravkal sja po christijansky, prikľak na kolina i obernul sja na ikonu i začal sja moliti. U chyži byla gazdyňa i jej 9 rična ditina, kotra sidila na pecu. Andrij sja molil barz na holos čoho sja male divčatko barz bojalo a od strachu zvisklo. U perednij chyži spal pjanyj gazda, kotryj sja probudil na visk ditiny i jakys mu napalo na um, što može dachto bje joho 19 ričnoho syna, kotryj sja vernul na otpuščak od vojska a v tym čaši byl na seli. Gazda skočil z posteli, silno rozper dveri, za kotryma byl na prikľači Andrij, kotryj sja rozvernul sered kuchni i vysypal cilu canistru zo syrom i čerešňami. Gazda sja barz rozosmijal, no Andrijovi bylo žaľ čerešen i syra a gazdu počastuval i pro ňoho znamov vetov: «Ty, ty – što ťa sinij vitor obdul...». Hazdyňa Andrijovi pomohla pozberati šytky okršyny syra i šytky čerešni, nakeľo znala, že Andrij suj to barz cinil, kiď mu dachto dašto dal a ne dozvolil žeby nijakym sposobom ïdlo propalo na zmar. Do canistry mu jak prosbu o perebačiňa nabalila soloniny, piv chliba i dala sja mu naïsti mačanky. Toty prihody sja odohrali na začatku 1970-tych rokiv. Nakeľo do hnes žyje vekšyna ich akteriv, zamerni jem ne spominal ich mena ani nazvy sel.

Zdravju. Pripominka k

Zdravju.

Pripominka k Andrijovi pidpaľačovi -Mal jem tu česť vidyti osobni Andrija rovno v joho holičsvi / nakladenyj oheň pri potoku / a strihal ša tak , že nepchal holovu do pahreby, ale žal horiače derevo do ruky a tak soj opaľuval vološa. Nikda ja nevidil Andirja z dovhima volosami bo mal furt len takz. jižka. Smile

nespričam sja, že tak ne bylo

nespričam sja, že tak ne bylo jak hvarite Wink ja Andrija neťamju a šytko što´m napisal je je lem sprostredkuvane z bišiduvaňa 70-90 ričnych ľudi, kotry ho stričavali vekšu časť žyvota (20-30 i vecej rokiv) a jak oni hvarili, jak ho ťamili, što z nim zažyli, tak ja i napisal :)  vy ťamite joho strihaňa a može šči skorej, koli ste iši ne byli na šviťi sja strihal tak jak toty ľude opisujut - znate, moda sja minila se  Wink

Obrázok používateľa Pizmar

Ale to na dialekti pisane ...

Ale to na dialekti pisane ...

Так ті повім, в каждій долинї

Так ті повім, в каждій долинї ся кус інакше бісїдує  Wink Немаме  ся барз од кого учіти списовну русінчіну  Crying

Tak ti povim, v každij dolini sja kus inakše bisiduje. Nemame sja barz od koho učity spisovnu rusinčinu.

агой Стёпа, але Тобі то іде.

агой Стёпа, але Тобі то іде. Лем детайлы "немаме" ся не пише вєдно але окремо "не маме" а не "русінчіну" але "русинчіну",

Што ся тыкать писаня в діалектї,  не є то конзістентне писаня, в тым істым слові раз така буква потім інакша, але Матё пише холем лексічно дость чісто, може намісто чеськословеньского словка "вета" бы скоре могло быти "речіня" а місто "замерні" могло бы быти "нароком" або "умыселно". Але то суть детайлы. Главнї же ся язык хоснує.

Zdieľať na Facebooku

Dneska je pjatnіca

23. februar 2018


Юліаньскый календарь:

10. фебруáр 2018

Mapa registrovaných používateľov Holosy.sk

Písanie dokumentov po rusínsky pomocou OpenOffice

Písanie rusínskou cyrilikou v systéme Windows 7

Ako modifikovať Firefox, aby kontroloval rusínsky pravopis

Posl´idn´i komentar´i

Banner pre vaše stránky

Budeme radi ak Holosy spropagujete aj na vašich stránkach pomocou reklamého bannera.

Komunitný portál karpatských Rusínov

V prípade záujmu o výmenu bannerov, nás kontaktujte.