Warning: Table './petrios/accesslog' is marked as crashed and last (automatic?) repair failed query: SELECT uid, timestamp FROM accesslog WHERE (path = 'node/3546' OR uid > 0) AND sid = 'dd1f92d24d385de073d3a24fa83db933' ORDER BY timestamp DESC LIMIT 0, 1 in /mnt/data/accounts/p/petrios/data/www/holosy/includes/database.mysqli.inc on line 128
Таёмство свальбяного ручника | Holosy

Таёмство свальбяного ручника

Свальбяный ручник є вышыте декорачне престераня з дома тканого полотна. Свальбяный ручник є предметом народной културы и народной творбы выходных славянiв. Од прадавна нашы предкы не поважували свальбяный ручник лем за даяку естетицку, но i як ритуалну обрядову рiч. Взоркы вышыты на ручнику не были лем окрасов каждоденнёго жывота, но мали и символицкый характер замиряный на невидимы споïня чоловика з ёго родом и предками.
Ручникы ся хоснуют скоро на каждiй свальби, гоць традиция вышываного ручника ся в сучасности заховават лем у дакотрых родинох а во векшынi ся свальбяный ручник заминят купеным або дома тканым бiлым ручником. В минулости ся миджи нашыма предками традувало, же свальбяный ручник представувал жывотну драгу, по котри мусят идти молодый и молода як муж и жена а прото ручник мусил быти з єдного куса полотна, як и молоды мают лем єден жывит.
Почас свальбы ся в минулости хоснувало вецей другiв вышываных ручникив – пiд колiна почас одобераня, на икону, пид хлiб и сiль, пiд сващаник, на звязаня рук молодых,  ручник котрый приношала невiста свекрi, ручник про старосту, про старшого дружбу и т.д..
Почас присягы на винчанци молоды клiкали на «винчальный» бiлый вышываный ручник, котрый символизувал хмару, на котрий плыли молодый з молодов, як бы были на час вытягнуты з поземского свита и перенесены до Царьства Божого, де проходило благословиня их винчанкы.
Свальбяны ручникы мали розмиры около 0,5 метра ширкы и довжку од 2,5 – 3 метрiв, что символизувало драгу жывота молодых. Розмiры ручника ся мусили дiлити числом 7. Вышывка мусила заполнити минималнi ¼ каждой полийкы ручника. Середина ручника мусила быти порожня без вышывкы – мисце про Бога. Свальбяны ручникы ся вышывали  и вецей баревны, но превладали чорно-червены ручникы. Червена нитка символизувала гордисть, силу, богатство i народну прислушнисть.
Поздовжны краï ся не обшывали ниякыма ажурками а лем ся пидшывали класицкым способом єднов нитков жебы жывит молодых был єднодухый, неперерываный и без проблемив (узлiв) так як тота цила нитка. Свальбяный ручник не украшали ани ажурками – мрежками, жебы жывит молодых не был дiравый.
Свальбяный ручник зачинали вышывати у четверь рано за выходу сонця. Вышывали го лем брез день, обернуты тварёв ґу облаку. Ручникы вышывали з двох стран – страна молодого и страна молодой. Обi страны мусили быти инакшы, в припадi же ся вышывала єднака взорка, мусило ся зробити холем 10 одлишности. На свальбяным ручнику ся вышывали пары жаворонкiв, соколiв, пулёк, павив, когутив (у боёвим постою) або голубив, котры символизували молодого и молоду. Пташкы символизували родинне щастя, вiрность и любов. Нашы предкове николи не вышывали зозулькы – символ ґдовецтва, соловлiв – символ неженатых паробкiв, невiрства. Квиточкы ся вышывали як охрана перед злыма силами, но и як желаня молодым здоровя, богатства и велё дiти. На странi молодой вышывали ружы – символ красы, лелiї з крестиком – символ непорочности, бринчкы – символ вирности, мак – символ захованя роду. На странi молодого вышывали виноград – символ богатства, дуб – символ силы, калину – символ доброго родинного жывота. На верхнiй части вышывкы в давний минулости вышывали даякый стрiм, в пизнiшых часох ся стрiм заминил крестом котрый ся вышывал на обидва бокы вышывкы а миджи кресты ся вышывало свальбяне колечко з инициялом мена молодого або молодой. Свальбяне колечко было закинчене на верху корунов – символом винчаня.
Вышывка мусила быти красна и чиста з обох стран – з лицяте про молодых а з руба про Господа Бога. По свальби молоды скрутили ручник до рулкы, жебы гоцякя нечиста сила кидь перейде по кружку ручника порозумила, же ту немат своє мисце и хранили их як символ доброго и щасливого жывота. Ручникы ся хоснували лем раз а николи ся не пожычали – шак ани жывит суй не можеме пожычити. Кидь был родинный жывит маïтелiв ручника щастливый, тодыль ся в родинi передавала з поколиня на поколиня лем  ёго взорка. В припадi же ся жывит родичив не выдарил, их дiвкы суй на вiнчанку вышывали инакшы взоры.
В дакотрых реґiёнох ся в нижнiй части ручника в серединi вышывали родостромы – споïня чоловика з ёго предками. Родостром выходил з горночка а дiлил ся на два узлы. Пид першым узлом ся вышывали дiдове и бабкы. Ветвичкы вышыты долов значили помершых, гори – жывых. На право ся вышывали родиче матери а на ливо витцёвы родиче. Верхнi ветвичкы – бабкы, нижнi – дiдкове. Коло першого узла ся вышывали уйкове и теты по материнiй и витцёвий странi, ниже узла старшы матере або витця а выше узла молодшы. Жены ся вышывали тройуголником (3 чаркы), хлопи – квадратиком (4 чаркы). На другым уровню ся зображували родичове (обоми ветвичками, або даде и єднов ветвичков родич а другов крестный родич). Спосиб зображиня был тотожный зо спиднёв частёв. Коло верхнёго узла ся вышывали суроденцы – на материнский странi сестры, на витцёвий странi братя, над узлом молодшы, пид узлом старшы.
В сучасности ся свальбяны ручникы шыют айджи пару рокив перед свальбов, або ся купуют готовы, но коли суй чоловик зготовит сам такый ручник, є то памятка на цилый жывит и про далшы ґенерацiï.

Zdieľať na Facebooku

Dneska je vіvtorok

17. september 2019


Юліаньскый календарь:

5. cептéмбер 2019

Mapa registrovaných používateľov Holosy.sk

Písanie dokumentov po rusínsky pomocou OpenOffice

Písanie rusínskou cyrilikou v systéme Windows 7

Ako modifikovať Firefox, aby kontroloval rusínsky pravopis

Posl´idn´i komentar´i

Banner pre vaše stránky

Budeme radi ak Holosy spropagujete aj na vašich stránkach pomocou reklamého bannera.

Komunitný portál karpatských Rusínov

V prípade záujmu o výmenu bannerov, nás kontaktujte.