Русиньске представлїня в Брні

Коломия - таку назву собі выбрали членове фолклорного субору Поляна Брно про свій умелецькый проґрам. Тен ся одбив в суботу 19-ого марца в брненскім театру "Радост".  В тім проґрамі представили русиньскый фолклор співом, танцьом і музиков. В авдіовізуалнім допроводї проґраму приближыли глядачам народ Русинів, їх корені, область у котры жыють і їх нелегкый жывот в переважні горнатім і неуроднім терені.

В проґрамі были презентованы пісні і танцї зо села Габура і  з Орябины, де приближыли проблем выстяговалецтва за роботов на юг Угорьска (дротарї) і до заокеаньской Америкы, і тяжкій жывот жен, котры ся сами старали о домашність. Далей представили фолклор зо Стариньской области и выстягованя люди про водну надрж. Проґрам закончіли Київски пісні і танцї з придавком, котрый собі выжадали глядачі довгым аплавзом.

Хореоґрафію проґраму приправили Штефан Штец и Петра Ванькова. Інтересным є, же меджі членами субору Поляна не є жадный Русин, но на їх прояві то ани не било видно. Субор Поляна Брно был заложеный в року 1949 ґрупов Словеньскых штудентів а патрить ку субором з богатов історіов і традіціов. Венує ся спрацованю фолклору з різных области Словеньска. В послїднї добі сполупрацує і з Штефаном Штецом (член ФС Горнад з Кошиць) а од того часу ся венує ай русиньскому фолклору.

Фотоґрафії з представлїня собі можете посмотрити на адресы https://picasaweb.google.com/michalkristek4/Polana1932011

На посиджіню по проґрамі сме пару Русинів роздумовали о сполочній стрічі Русинів в Брні. Зато бы єм попросил Руснакох в Брні, же бы ся придали до ґрупы на фейсбуку http://www.facebook.com/group.php?gid=191166746572. Же бы сме зістили, кельо нас ту є а чі бы била така стріча можна.

Slovenský prepis článku: http://www.holosy.sk/rusinske-predstavenie-v-brne

Zdieľať na Facebooku

Dneska je ponediľok

22. apriľ 2019


Юліаньскый календарь:

9.áпріль 2019

Mapa registrovaných používateľov Holosy.sk

Písanie dokumentov po rusínsky pomocou OpenOffice

Písanie rusínskou cyrilikou v systéme Windows 7

Ako modifikovať Firefox, aby kontroloval rusínsky pravopis

Posl´idn´i komentar´i

Banner pre vaše stránky

Budeme radi ak Holosy spropagujete aj na vašich stránkach pomocou reklamého bannera.

Komunitný portál karpatských Rusínov

V prípade záujmu o výmenu bannerov, nás kontaktujte.