Радіо русинФМ святкує першый рік єствованя

3. децембер 2013 р., Братіслава – Пряшів
Днесь є то точно рік, што досягли верьх вшыткы приготовліня і перше інтернетове радіо Русинів Словакії зачало своє высыланя. Радіо днесь святкує, і біланцує. А самособов має і свої планы до будучности.

РусинФМ зачало высылати 3. децембра 2012 р. о пятій годині пополідне. Першыма і втогды єдиныма премєровыма релаціями бігом тыждня были понедільковый блок, котрый включав справы, історічны релації, але і представльованя русиньскых музичных інтерпретів, ці молодых, успішных Русинів і вечорне понедількове Граме на желаня, котре ся од зачатку высылало нажыво. Бігом тыждня ся тоты релації дакілько раз повторяли і высыланя в тім часі творив переважно музичный архів радіа. Вже по дакілько місяцях але русинФМ пошырило палету своїх премєровых релацій а днесь приносить своїм слухачам сім премєр за тыждень. У высыланю ся днесь находять контактны релації про молодых, котры суть высыланы нажыво, інформачно-публіцістічны і історічны релації, але і записы з богослужінь. Радіо почас рока приготовило і серію русиньскых приповідок, котры суть ексклузівно про русинФМ вырабляны екстерні і на їх приготовліню беруть участь і акторы з русиньского Театру Александра Духновіча в Пряшові. Приповідкы, так як і цілый проєкт радіа, были підпорены з ґрантовой схемы Уряду влады з проґраму Култура народностных меншын, як проєкт молодежной орґанізації молоды.Русины.
В септембрі того року русинФм святково одкрыло своє штудіо з новов техніков в Братіславі. Якраз тота подія пошырила можливости приготовліня релацій і жывого высыланя, котре має у людей позітівны одозвы. Радіо але хоче рушати ся дале, піднимати якость свого высыланя і додавати все веце проґраму. Якраз зато є найближшім цільом одкрыти друге штудіо в Пряшові, одкы ся од штарту радіа приготовлює часть высыланя. РусинФМ од одкрытя пряшівского штудія очекує далшый нарост годин премєрового высыланя, і таксамо бы такым кроком хотіло свій центер перенести до історічного центра Русинів на Словакії, но і сімболічно навернути народностне высыланя Русинів там, одкы ся їм цілы десятьріча пригваряли творцове народностного высыланя Чехословацького а пізніше Словацького розгласу.
РусинФМ собі за рік єствованя нашло свою стабілну базу слухачів, котра пошырює ся. А нелем дома, але і за границями. Свідчать і тім слухачі з Чеськой републикы, Польщі, Мадярьска, Україны, Сербії, але своє місце собі радіо нашло і міджі Русинами в США, Анґлії, ці северьскых державах. Радіо было включене і до аплікації про телефоны з оперчнов сістемов Android а веджіня русинФМ може радостно конштатовати, же по дакілько місяцях ся в слуханости через тоту аплікацію дістало на 31. місце, з днешньой цілковой кількости 72 включеных радій.
Рік єствованя правда не є вельо, но тот, про Русинів Словакії, унікатный проєкт творцям радіа за рік вказав, же має свій смысел і нашов своє стабілне місце муджі людми. Днесь, вєдно з далшыма актівностями русиньскых орґанізацій, творить сучасть културы Русинів дома і за граніцями. Директор радіа Петро Штефанял і ведучій проґрамового высыланя Петро Медвідь таков драгов выразили подяку нелем слухачам, але і цілому тіму радіа, в якім во вольнім часі робить десять молодых ентузіастів.
Петро Медвідь, русинФМ

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je četver

21. jun 2018


Юліаньскый календарь:

8.юн 2018

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.